Masharti na Vigezo

1. Kukubali Masharti na Sifa za Kisheria

Karibu sana Studio. Kwa kutembelea, kujisajili, au kutumia huduma za Studio ("Kampuni", "sisi", au "yetu"), unakubali kufuata na kufungwa na Masharti na Vigezo hivi ("Masharti"). Ikiwa hukubaliani na miongozo hii, tunakuomba ndugu usitumie huduma zetu. Kwa kutumia Huduma, unathibitisha kuwa: (a) una umri wa miaka 18 au zaidi (au umri wa utu uzima wa kisheria katika eneo lako); (b) una uwezo kamili wa kisheria kuingia mkataba huu; na (c) ikiwa unatumia Huduma kwa niaba ya kampuni au taasisi, una mamlaka halali ya kuifunga taasisi hiyo kwa Masharti haya. Tuna haki ya kuboresha au kubadilisha masharti haya wakati wowote ili kuendana na ukuaji wa huduma yetu; matumizi yako endelevu ya Huduma baada ya mabadiliko hayo ni ushahidi wa kukubali kwako.

2. Maelezo ya Huduma

Studio inatoa huduma za kutengeneza na kuboresha picha kupitia akili mnemba (AI), na huduma nyingine zinazohusiana ("Huduma"). Huduma hii inatolewa "kama ilivyo" na "inavyopatikana". Lengo letu ni kutoa huduma bora, lakini hatuhakikishii kuwa huduma haitakuwa na hitilafu, usumbufu, au makosa ya kiufundi wakati wote. Tuna haki ya kuongeza, kubadilisha, kusimamisha, au kuondoa kipengele chochote cha Huduma wakati wowote, kwa taarifa au bila taarifa ya awali, na hatutawajibika kwako au kwa mtu mwingine yeyote kutokana na mabadiliko hayo.

3. Usajili wa Akaunti na Usalama

• Unawajibika kutoa taarifa sahihi na za kweli wakati wa kujisajili na kuzisasisha pale zinapobadilika.
• Wewe pekee unawajibika kutunza usiri wa taarifa zako za kuingia (login credentials) na shughuli zote zinazofanyika kupitia akaunti yako.
• Lazima utujulishe mara moja kupitia info@watulab.com endapo utagundua matumizi yasiyoidhinishwa ya akaunti yako.
• Akaunti moja ni kwa mtu mmoja pekee; huruhusiwi kuuza, kukodisha, kushiriki, au kuhamisha akaunti yako kwa mtu mwingine bila ridhaa yetu ya maandishi.
• Studio haitawajibika kwa hasara au madhara yoyote yatokanayo na kushindwa kwako kulinda taarifa zako za kuingia.

4. Maadili na Matumizi Sahihi

Ili kulinda jamii yetu na ubunifu, unakubali KUTOTUMIA huduma hii kwa:

• Kutengeneza, kupakia, au kusambaza maudhui yaliyo kinyume cha sheria, kashfa, au yanayovunja kanuni na sheria za nchi na za kimataifa.
• Kupakia picha au nyaraka ambazo hauna haki miliki nazo (copyright). Unathibitisha kuwa unamiliki au una ruhusa kamili ya kisheria kutumia, kubadilisha, au kusambaza picha zozote unazopakia kwenye mifumo yetu.
• Kutengeneza picha za ngono, picha za udhalilishaji bila ridhaa, au maudhui yanayowadhuru watoto.
• Kuvunja haki miliki, haki za faragha, au haki za kiraia za mtu mwingine yeyote.
• Kutumia programu za kiotomatiki (bots), kuchimba data (scraping), au njia nyingine za kiufundi kufikia au kunakili sehemu yoyote ya mfumo wetu bila ruhusa yetu ya maandishi.
• Kujaribu kubadili msimbo (reverse-engineer), kuvunja, au kupitisha (circumvent) kwa udanganyifu mfumo wetu wa Credits au ulinzi wowote wa kiufundi.
• Kusambaza virusi, malware, au msimbo wenye nia ya kuharibu mfumo wetu au wa watumiaji wengine.
• Kujifanya (impersonate) kuwa mtu au taasisi nyingine, au kutoa taarifa za uongo kuhusu utambulisho wako.
• Jaribio lolote la kudukua, kuharibu, au kuingilia mfumo na usalama wa huduma zetu.

Tuna haki ya kusitisha au kufuta akaunti yoyote inayovunja miongozo hii ili kulinda usalama wa watumiaji wengine na hadhi ya huduma yetu.

5. Maudhui Yanayotengenezwa na AI: Kanusho Muhimu

Huduma zetu hutumia akili mnemba (AI) kutengeneza au kuboresha picha. Teknolojia ya AI si kamilifu — matokeo yanaweza wakati mwingine kuwa na makosa, upungufu, kufanana bila kukusudia na kazi nyingine zilizopo, au kutokidhi matarajio yako kikamilifu. Kwa kutumia Huduma hii, unakubali kwamba:

• Matokeo ya AI hayana dhamana yoyote kuhusu usahihi, ubora, au ufaafu kwa madhumuni yako mahususi.
• Ni wajibu wako pekee kupitia (review) na kuthibitisha matokeo kabla ya kuyatumia kwa madhumuni ya kibiashara, kisheria, kimatibabu, au nyeti nyingine yoyote.
• Studio haitawajibika kwa madhara, hasara ya kifedha, au madai ya kisheria yanayotokana na uamuzi wako wa kutumia matokeo ya AI, ikiwemo madai ya ukiukwaji wa hakimiliki dhidi ya wahusika wengine yatokanayo na kufanana bila kukusudia.
• Ni wajibu wako kutii sheria zote zinazohusiana na matumizi ya maudhui yanayotengenezwa na AI katika eneo lako (kwa mfano, kuweka lebo au kutaja kuwa ni maudhui ya AI pale sheria za mahali husika zinapohitaji hivyo).

6. Usimamizi na Uhifadhi wa Data

Tunathamini sana faragha yako na tunatumia mfumo wa kuhifadhi data kwa uchache:

• Ufutaji wa Moja kwa Moja: Ili kupunguza mrundikano wa data, Studio huhifadhi picha tatu (3) tu za mwisho ulizotengeneza kupitia huduma za wingu (Cloud). Picha za zamani hufutwa moja kwa moja kutoka kwenye seva zetu.
• Uhifadhi wa Ndani (Local Storage): Baadhi ya zana zetu za uhariri (kama vile Background Removal na Image Compressor) huchakata picha moja kwa moja ndani ya kifaa chako (Browser). Tunatumia teknolojia za kisasa kama IndexedDB kuhifadhi kazi hizi kwa muda kwenye kifaa chako pekee, kuhakikisha faragha yako inalindwa kikamilifu bila kutuma data kwenye mtandao.
• Udhibiti wa Mtumiaji: Una haki kamili ya kufuta data yako na akaunti yako wakati wowote kwa kudumu kupitia sehemu yako ya mipangilio (dashboard).

7. Umiliki wa Kazi za AI, Haki Miliki, na Maoni Yako

Muonekano, michoro, na msimbo wa huduma hii ni mali ya Studio na washirika wake. Unamiliki haki zote za picha na maudhui unayotengeneza kupitia huduma yetu. Hata hivyo, kwa kutumia huduma hii, unatupa leseni ya kudumu, ya kimataifa, na ya bure (royalty-free) ya kuhifadhi na kutumia maudhui hayo na maelezo unayoingiza (prompts) kwa lengo la kuendesha na kuboresha mifumo yetu. Kwa sababu tunahifadhi picha tatu tu za mwisho, tafadhali hakikisha unapakua (download) picha zako unazotaka kuzitunza kwa muda mrefu.

Ukitupatia maoni, mapendekezo, au fikra za kuboresha Huduma ("Feedback"), unatukubalia kutumia Feedback hiyo kwa namna yoyote tunayoona inafaa, bila malipo au wajibu wowote kwako.

8. Kanusho la Udhamini (Disclaimer of Warranties)

KWA KIWANGO KINACHORUHUSIWA NA SHERIA, HUDUMA INATOLEWA "KAMA ILIVYO" (AS IS) NA "KAMA INAVYOPATIKANA" (AS AVAILABLE), BILA DHAMANA YA AINA YOYOTE, IWE WAZI, YA KIMYA, AU YA KISHERIA. Studio inakanusha wazi dhamana zote, ikiwemo lakini sio tu dhamana ya kuuzika (merchantability), ufaafu kwa lengo maalum (fitness for a particular purpose), umiliki, na kutovunja haki za wengine (non-infringement). Hatuhakikishii kuwa: (a) Huduma itakuwa bila hitilafu, salama, au inapatikana wakati wote bila kukatika; (b) matokeo yatakayopatikana kutoka kwenye matumizi ya Huduma yatakuwa sahihi, ya kutegemewa, au yatakidhi mahitaji yako; au (c) hitilafu zozote kwenye mfumo zitarekebishwa mara moja. Unatumia Huduma hii kwa hiari yako na kwa hatari yako mwenyewe.

9. Ukomo cha Dhima

KWA KIWANGO KINACHORUHUSIWA NA SHERIA, STUDIO, WAKURUGENZI WAKE, WAFANYAKAZI, NA WASHIRIKA WAKE HAWATOWAJIBIKA KWA HASARA YOYOTE YA MOJA KWA MOJA, ISIYO YA MOJA KWA MOJA, YA BAHATI MBAYA (INCIDENTAL), MAALUM, YA MFUATANO (CONSEQUENTIAL), AU YA ADHABU (PUNITIVE), ikiwemo lakini sio tu upotevu wa faida, data, sifa, au fursa za kibiashara, hata kama tuliarifiwa juu ya uwezekano wa hasara hiyo. Kwa vyovyote vile, dhima ya jumla ya Studio kwa madai yote yanayotokana na au yanayohusiana na Masharti haya au matumizi ya Huduma haitazidi kiasi kikubwa zaidi kati ya: (a) kiasi ulicholipa kwa Studio katika miezi kumi na mbili (12) iliyopita, au (b) Dola za Kimarekani $100. Vikomo hivi vinatumika hata kama njia yoyote ya kupata haki (remedy) itashindwa kutimiza lengo lake la msingi.

10. Fidia

Unakubali kuilinda na kuiepusha Studio, wakurugenzi wake, na wafanyakazi wake dhidi ya madai yoyote, hasara, au gharama (ikiwemo ada za mawakili) zinazotokana na: (a) matumizi yako ya huduma; (b) uvunjifu wako wa Masharti haya; (c) maudhui uliyopakia au matokeo ya AI uliyotumia; au (d) uvunjifu wako wa sheria yoyote inayotumika au haki za mtu wa tatu.

11. Kusitishwa kwa Huduma na Akaunti

• Unaweza kusitisha matumizi ya akaunti yako wakati wowote kupitia mipangilio ya dashboard yako.
• Tuna haki ya kusimamisha au kufuta akaunti yako, kwa taarifa au bila taarifa ya awali, endapo: umevunja Masharti haya, tunahisi kwa dhati kuna hatari ya utapeli au madhara kwa mfumo au watumiaji wengine, au inahitajika kisheria.
• Baada ya kusitishwa, vifungu vinavyohusu Umiliki wa Kazi za AI, Kanusho la Udhamini, Ukomo cha Dhima, Fidia, na Usuluhishi wa Migogoro vitaendelea kuwa na nguvu.
• Studio haitawajibika kwako au kwa mtu mwingine yeyote kwa kusitishwa kwa akaunti kwa mujibu wa kifungu hiki.

12. Mfumo wa Credits na Malipo

Ununuzi wowote wa "Credits" ndani ya Studio ni wa mwisho na haurejeshwi, isipokuwa pale sheria inapoelekeza vinginevyo. Credits hizi hazina thamani ya fedha nje ya mfumo wetu na haziwezi kubadilishwa kuwa pesa taslimu. Bei za Credits zinaweza kubadilika wakati wowote bila taarifa ya awali, ingawa mabadiliko hayo hayataathiri Credits ulizonunua tayari. Ushuru au kodi yoyote inayotumika kwenye manunuzi yako ni jukumu lako. Mfumo utarejesha credits zako moja kwa moja (Refund) endapo kutatokea hitilafu ya kiufundi kwenye seva zetu inayozuia kukamilika kwa kazi ya AI uliyoomba. Studio haitahusika na upotevu wa credits ikiwa akaunti itafungwa kutokana na uvunjifu wa Masharti haya. Tuna haki ya kusitisha, kufungia akaunti, au kuzima upatikanaji wa API endapo kutabainika ukiukwaji wa Masharti haya, majaribio ya kudukua mifumo ya credits, au kwa sababu muhimu za kiusalama na kiutendaji. Zaidi ya hayo, madai yoyote ya uongo ya kurejesha fedha kupitia benki (Chargebacks) yatasababisha kufungiwa kwa akaunti yako moja kwa moja na kupoteza credits zilizobaki.

13. Usuluhishi wa Migogoro na Sheria Inayoongoza

Kabla ya kufungua madai rasmi, unakubali kwanza kutujulisha kwa maandishi kupitia info@watulab.com ukielezea tatizo lako kwa ufafanuzi, na kutupatia siku thelathini (30) kujaribu kutatua mgogoro huo kwa njia ya mazungumzo (informal resolution). Endapo mgogoro hautatatuliwa ndani ya muda huo, utatatuliwa kupitia usuluhishi wa kisheria (Arbitration) badala ya mahakama za kawaida, isipokuwa kwa madai yanayostahili mahakama ya madai madogo (small claims). Kwa kukubali masharti haya, unaachana na haki ya kushiriki katika mashtaka ya jumuia (Class Action Waiver).

Masharti haya yanasimamiwa na sheria za Jamhuri ya Muungano wa Tanzania, bila kujali migongano ya kanuni za sheria (conflict of laws). Madai yoyote dhidi ya Studio yanayotokana na au yanayohusiana na matumizi yako ya Huduma lazima yawasilishwe ndani ya mwaka mmoja (1) tangu tarehe sababu ya madai hayo ilipojitokeza, vinginevyo utakuwa umeacha haki ya kudai kabisa.

14. Sera ya Hakimiliki (DMCA)

Tunaheshimu haki miliki. Ikiwa unaamini kazi yako inatumika kwa njia inayovunja hakimiliki kupitia huduma zetu, tafadhali wasiliana nasi. Tuna haki ya kufuta maudhui yanayolalamikiwa na kufungia akaunti za watumiaji wanaovunja sheria za hakimiliki mara kwa mara.

15. Nguvu ya Asili (Force Majeure)

Studio haitawajibika kwa kuchelewa au kushindwa kutoa huduma kutokana na majanga ya asili, kukatika kwa mtandao mkuu, matatizo ya watoa huduma wetu wa AI, au mazingira mengine yaliyo nje ya uwezo wetu.

16. Masharti ya Jumla

• Makubaliano Kamili: Masharti haya, pamoja na Sera yetu ya Faragha, ndiyo makubaliano kamili kati yako na Studio kuhusu matumizi ya Huduma, na yanachukua nafasi ya makubaliano yoyote ya awali kuhusu jambo hilo hilo.
• Kutokuwepo kwa Kuachia Haki: Kushindwa kwetu kutekeleza kifungu chochote cha Masharti haya hakumaanishi tumeachia haki yetu ya kukitekeleza baadaye.
• Ugawaji: Huwezi kuhamisha haki au wajibu wako kwa mujibu wa Masharti haya kwa mtu mwingine bila ridhaa yetu ya maandishi. Sisi tunaweza kuhamisha Masharti haya kwa uhuru, kwa mfano endapo kutatokea muunganiko (merger) au uuzaji wa biashara.
• Uhalali wa Sehemu (Severability): Endapo kifungu chochote cha Masharti haya kitaonekana kuwa batili au kisichotekelezeka kisheria, vifungu vilivyobaki vitaendelea kuwa na nguvu kamili.
• Hakuna Wanufaika wa Tatu: Masharti haya ni kati yako na Studio pekee; hayampi mtu mwingine yeyote haki ya kisheria kudai kutokana na Masharti haya.
• Lugha: Endapo tafsiri ya Masharti haya itafanywa kwa lugha nyingine kwa madhumuni ya urahisi, toleo la Kiswahili ndilo litakalotumika endapo kutatokea mkanganyiko wowote wa tafsiri.